كشك شاى

ماتيجي نعيش عيشة الملك "فاروق" ب5 جنيهات فقط!!!!

المكان دة كان مجرد "كشك شاي " او كازينو"سان جيوفاني" واشتراه الملك "فاروق الاول" ب "2000 جنيه"& فقد كان مبلغ هائلا وقتها& ليكون استراحته الشتوية .

الاستراحة مكانها علي كورنيش حلوان ويطل علي النيل مباشرة عن طريق 5 مراسي خاصة بيخت الملك وبالطبع هذة المراسي غير متاحين الان للزيارة .

ويتم الدخول للمتحف برا من بوابته علي طريق كورنيش حلوان فقط.مساحة المتحف 1600 متر و مبنى الاستراحة نفسه 440 متر مكون من 3 ادوار " طابقين وروف" على شكل سفينة راسية على النيل والحديقة تضم نباتات وأشجار نادرة و حاليا فيها حوالي 35 شجرة مانجا، و من أشهر معالمها نافورة "فيلم نهر الحب" اللي فيه رقصة الحياة اللي قدمها الفنان "عمر الشريف" و الفنانة "فاتن حمامة" كما يوجد بداخل المتحف غرفة هي نسخة مطابقة لغرفة توت عنخ آمون بالظبط و فيها كرسي عرش مصر و الدفاية الخاصة بالاستراحة الشتوية، و امامها تمثال على شكل طاووس كما يوجد سفرة الملك " الخاصة باستراحة الهرم" لان سفرة استراحة حلوان متهالكة، السفرة عليها بونبونيرة عبارة عن 11 كيلو "فضة" وعليها زخارف في منتهى الابداع، و في نفس المكان لوحة لمراسم الزواج الفرعوني و لوحة تانية للمحمل الخاص بسترة الكعبة المشرفة أثناء مرور الموكب من أمام الأهرامات ، لوحة قمة في الابداع.

و من العلامات المميزة في الدور الأول لوحة الموناليزا المصرية(حتى الأن لم يتم التعرف على الفنان اللي رسمها) و غرفة حمام الشمس اللي كان يستخدمها الملك بعد الاستحمام

الانشطة اللي بيقدمها المتحف ((مجانا)) واسعار تذاكر الدخول :

 

ورشة تدريبية للمصنوعات الجلدية - يوم الثلاثاء من كل أسبوع
ورشة كتابة الاسماء باللغة الهيروغليفية
و كل يوم بيكون في جولات إرشادية للشرح للزوار المصريين والعرب مجانا
التذكرة للطلبة 3 جنيه
للمصريين 5 جنيه
تصوير بالموبايل للمصريين 20 جنيه